مطیع الله بهیر

مطیع‌الله بهیر، د افغانستان کرکټ بورډ د حقوقي څانګې امر

مطیع‌الله بهیر د افغانستان کرکټ بورډ د حقوقي څانګې امر دی او دا مهال د بورډ د ټولو حقوقي چارو د مدیریت مسؤلیت پر غاړه لري. د نوموړي اساسي دندې د ادارې د کړنلارو، پالیسۍ او تګلارو بیاکتنه او اصلاح، د هوکړه ‌لیکونو او تړونونو بیاکتنه او ترتیب او همداراز د بورډ د حقوقي مسایلو مدیریت دی. نوموړی هڅه کوي چې د کرکټ بورډ ټولې چارې د نافذه قوانینو، اصولو او مقرراتو سره سمې پرمخ ولاړې شي.

ښاغلی بهیر د اړتیا پرمهال بورډ مشرتابه او بېلابېلو څانګو ته حقوقي مشورې ورکوي کوي او د هغو حقوقي ستونزو حل ته ژمن دی چې د کرکټ بورډ او ښکېلو اړخونو ترمنځ رامنځته کېږي.

نوموړي د هند د پلازمېنې نوې ډهلي په سویلي اسیا پوهنتون کې د نړیوالو حقوقو ماسټري کړې او همداراز یې د نړیوالو حقوقو او ډیپلوماسۍ په برخه کې د لېسانس سند د هند د نړیوالو حقوقو له ټولنې ترلاسه کړی دی.

ښاغلي بهیر په تېرو شپږو کلونو کې له بېلابېلو ملي او نړیوالو ادارو سره د وکیل او حقوقي مشاور په توګه کار کړی دی. هغه د افغانستان کرکټ بورډ له مسلکي، متنوع او دوستانه چاپېریاله خوند اخلي او په دې باور دی چې کرکټ بورډ خپلو کارکوونکو ته د مسلکي ودې، زده کړې او پرمختګ غوره فرصتونه برابر کړي دي.