د لوبغاړو د درملنې مرکز

د افغانستان کرکټ بورډ د ظرفیت لوړونې څانګه د لوبغاړو روغتیا او د هغوی د ټپونو د درملنې ارزښت ته جدي پاملرنه کوي. دا څانګه ژمنه ده چې د لوبغاړو د بشپړې روغتیا او ښه فزیکي وضعیت د ساتنې لپاره اړینې اسانتیاوې برابرې کړي. د ظرفیت لوړونې مرکز مسوولیت لري چې د نړیوالو معیارونو مطابق، د درملنې یو مجهز او مسلکي مرکز جوړ کړي، څو لوبغاړي د هر ډول ټپ پر مهال چټکه، معیاري او مؤثره درملنه ترلاسه کړي. همداراز، د اړتیا په صورت کې به یاد مرکز ته نړیوال متخصصین هم د همکارۍ لپاره راوبلل شي.