AP ۱۴۰۴ مرغومی ۶

افغان ځوانان د یوې ویکټې په توپیر له ماتې سره مخ شول

د افغانستان نوولس کلنې کم عمره کرکټ ملي لوبډلې د خپل هدف په دفاع کې ښه توپ اچونه وکړه او د سیالې لوبډلې ۹ لوبغاړي یې له ډګره بهر کړل، خو سیالې لوبډلې په پای کې یوازې د یوې ویکټې په توپیر بریا خپله کړه.

د افغان لوبډلې په ګټه په توپ اچونه کې سلام خان احمدزي ۴، زیات الله شاهین ۲، واحدالله ځدراڼ، عزیر الله خان نیازي او نصرت الله نورستاني یوه-یوه ویکټ ترلاسه کړه خو لوبه سیالې لوبډلې په خپله ګټه پای ته ورسوله. 

افغان لوبډله به د راتلونکې چهارشنبې په ورځ د یادو سیالیو په لړ کې د خپلې دریمې لوبې لپاره د کوربه زمبابوې لوبډلې پر وړاندې د سیالۍ ډګر ته ښکته شي.