د افغانستان نوولس کلنې کم عمره کرکټ ملي لوبډلې د یوې غوره او هر اړخیزې لوبې په پایله کې بنګله دېش ته د لوبلړۍ په څلورمه لوبه کې هم ماتې ورکړه او د یادو سیالیو لوبلړۍ یې ۲۰۲ مساوي پای ته ورسوله.
د دغې لوبې پچه سیالې بنګالۍ لوبډلې وګټله او
لومړی یې د توپوهنې پرېکړه وکړه. دغې لوبډلې د لوبې په لومړۍ پاڼۍ کې د خپلو ۹ لوبغاړو په زیان
سره ۲۱۹ منډې جوړې کړې او افغان لوبډلې ته یې د ۲۲۰ منډو هدف وټاکه. د افغان لوبډلې په ګټه لوبډلمشر سهیل خان او امیر حمزه ۳-۳ او لطف الله محمدي ۲ ویکټې ترلاسه کړې.
افغان لوبډلې د سیالې
بنګالۍ لوبډلې د ۲۲۰ منډو هدف په ځواب کې غوره توپوهنه وکړه او
یاد هدف یې د خپلو ۶ لوبغاړو په زیان سره ترلاسه کړ او د ۴ ویکټو په توپیر یې بریا خپله کړه. د افغان لوبډلې په ګټه په توپوهنه کې
طاهر سروري ۶۷*، سبحان الله ۶۰ او نعمان
سالارزي ۲۴ مندې جوړې کړې او د لوبډلې په بریا کې ستر
رول ولوباوه.
طاهر سروري د لوبې او
سبحان الله ذاخیل د لوبلړۍ غوره لوبغاړی ونومول شو.
په دې سره د افغانستان
او بنګله دېش د نوولس کلنو لوبډلو ترمنځ د څلورو یو ورځنیو سیالیو لوبلړۍ ۲-۲
مساوي پای ته ورسېده. افغان لوبډله به د روانې اکټوبر میاشتې په ۲۷مه نېټه د کوربه
عمان لوبډلې پر وړاندې د دوه یو ورځنیو سیالیو لوبلړۍ پیل کړي.