د افغانستان نوولس کلنې کم عمره کرکټ ملي لوبډلې د یو ورځنیو سیالیو د لوبلړۍ په دریمه لوبه کې سیالې بنګالۍ لوبډلې ته ماتې ورکړه او د ۴۳ منډو په توپیر یې بریا خپله کړه.
د دغې لوبې پچه افغان لوبډلې وګټله او لومړی
یې د سیالې لوبډلې پر وړاندې د توپوهنې پرېکړه وکړه. افغان لوبډلې د دغې لوبې په لومړۍ پاڼۍ کې د خپلو ټولو
لوبغاړو په زیان سره ۲۳۷ منډې جوړې کړې او سیالې لوبډلې ته یې د ۲۳۸ منډو هدف وټاکه. د افغان لوبډلې په ګټه سبحان الله ۸۱، فیصل مبارز ۸۰ او سهیل خان ۲۴ منډې جوړې کړې.
افغان لوبډلې د یاد هدف
په دفاع کې غوره توپ اچونه وکړه او په بریالیتوب یې له خپل هدف څخه دفاع وکړه او د
۴۳ منډو په توپیر یې سیالې لوبډلې ته ماتې ورکړه.
د افغان لوبډلې په ګټه په توپ اچونه کې عمران محمدي ۳، سهیل خان او
لطف الله محمدي ۲-۲، محمد علي او عابدالله یوه-یوه ویکټ ترلاسه
کړه. سبحان الله د لوبې غوره لوبغاړی ونومول شو.
افغان لوبډله به د
راتلونکې جمعې په ورځ د یادې لوبلړۍ په څلورمه او وروستۍ لوبه کې سیالې لوبډلې پر
وړاندې د سیالۍ ډګر ته ښکته شي.