بست ساتونکو لوبډلې د یوې خورا جالبې او زړه راښکونکې لوبې په پایله کې بند امیر ښامارانو ته یوازې د یوې منډې په توپیر ماتې ورکړه او په یوولسم پړاو اي انډ شپږیزه کرکټ لیګ – سوپرکولا سیالیو کې یې خپله دریمه بریا خپله کړه.
د دغې لوبې پچه بست ساتونکو وګټله او لومړی
یې د توپوهنې پرېکړه وکړه. یادې لوبډلې د لوبې په لومړۍ پاڼۍ کې غوره توپوهنه وکړه
او د خپلو ۴ لوبغاړو په زیان
سره یې ۱۸۵ منډې جوړې کړې
چې له مخې یې ښامارانو ته د ۱۸۶ منډو هدف وټاکل شو. د بست ساتونکو په ګټه په توپوهنه کې
نجیب الله ځدراڼ یو ځل بیا ښه توپوهنه وکړه او ۶۴* منډې یې جوړې کړې. د نوموړي ترڅنګ اصف موسی
زي ۳۸*، حضرت الله ځاځي
۳۱ او اکبر موسی
زي ۲۴ منډې جوړې کړې.
له بلې خوا د بند امیر ښامارانو په ګټه غضنفر، ننګیال خروټي، سلیم ساپي او فرمان
الله ساپي یوه-یوه ویکټ ترلاسه کړه.
د یاد هدف په ځواب کې بند امیر ښامارانو ښه
پیل وکړ خو وروسته یې ویکټې ژر له لاسه ورکړې او د صدیق الله اتل د ۶۴، حشمت الله
شهیدي د ۵۲ او صدیق الله پاچا د چټکو ۳۱ منډو سره سره یې یاد هدف ترلاسه نکړی شو
او د یوې منډې په توپیر یې لوبه سیالې بست لوبډله ته وبایلله. د بست ساتونکو په
ګټه بشیر احمد بهترینه توپ اچونه وکړه او ۳ ویکټې یې ترلاسه کړې. د نوموړي ترڅنګ
نوراحمد، کریم جنت او عبدالله تره خېل یوه-یوه ویکټ ترلاسه کړه.
نجیب الله ځدراڼ د خپلې غوره توپوهنې او
پرلپسې دریمې نیمه سلیزې پرمټ د لوبې غوره لوبغاړی ونومول شو.
د یادو سیالیو په دوام به سبا د ورځې په
لومړۍ لوبه کې سپین غر پړانګان لوبډله د امو نهنګانو او له غرمې وروسته به مس عینک
اتلان د بست ساتونکو پر وړاندې د سیالۍ ډګر ته ښکته شي.