د وزیر محمد اکبر خان دویمه درجه ولایتي لوبو په لړ کې نن یوازې د کونړ او ننګرهار غازي امان الله خان لوبغالي د لوبو کوربانه وه. په دغه لوبو کې بدخشان په ۷ ویکټو د ننګرهار ب او کابل ب لوبډلې د سمنګان لوبډله له ماتې سره مخ کړه. د وزیر محمد اکبر خان دویمه درجه ولایتي لوبو په لړ کې به ننګرهار، کونړ، کندهار او خوست کې سیالۍ ترسره شي.
د ننګرهار په غازي امان الله خان لوبغالي کې
نن د کابل ب لوبډلې سمنګان ته ماتې ورکړه. دغه لوبه کې لومړی د سمنګان لوبډلې توپوهنه
وکړه او د ۲۴۵ منډو هدف یې وټاکه. د سمنګان توپوهنه کې حمیدالله ۷۰، بلال خان ۵۷
او شرافت ۵۰ منډې ترسره کړې. د کابل ب لوبډلې په ګټه ګل محمد ۴ او منصور ۲ ویکټې
ترلاسه کړې.
د سمنګان لوبډلې هدف کابل ب لوبډلې د لوبې په
۳۷م اور کې د ۳ ویکټو په تاوان ترلاسه کړی. د دوی په توپوهنه کې حمیدالله هوتک ۱۳۷
او ادریس ۵۶ منډې ترسره کړې. د سمنګان توپ اچونه کې لیس لونګ، شرافت او بلال ۱-۱
ویکټ ترلاسه کړه.
د کابل ب لوبډلې توپوهونکی حمیدالله هوتک په
۱۳۷ منډو د لوبې غوره لوبغاړی شو.
د نن دویمه لوبه چې کونړ کې د بدخشان او ننګرهار
ب لوبډلو تر منځ ترسره شوه، بدخشان پکې د ۷ ویکټو په توپیر بریا خپله کړه. دغه
لوبه کې لومړی ننګرهار توپوهنه وکړه او د
۲۱۹ منډو هدف یې وټاکه. د دوی توپوهنه کې عابد محمدي ۱۳۱ او عنایت الله ۳۱ منډې
جوړې کړې. د بدخشان له لوري احسان لکڼوال او نعمت متونوال ۳-۳ او احسان ځدراڼ ۲ ویکټې
ترلاسه کړې.
بدخشان لوبډلې د سیالې ننګرهار ب لوبډلې هدف
د ۳ ویکټو په تاوان د لوبې په ۳۷ اورونو کې ترلاسه کړی. د بدخشان توپوهنه کې فرید
ځدراڼ ۱۱۳ ناسوځېدلي، عبدالجبار ۵۹ او عالم زېب ۳۴ منډې جوړې کړې. د ننګرهار ب په
ګټه اکرام مومند ۲ ویکټې په خپل نوم کړې.
د بدخشان لوبډلې توپوهونکی فرید ځدراڼ په ۱۱۳
منډو د لوبې غوره لوبغاړی ونومول شو.
د یادونې وړ ده چې د وزیر محمد اکبر خان
دویمه درجه ولایتي لوبو په لړ کې به سبا د ننګرهار غازي امان الله خان لوبغالي کې
ننګرهار د زابل، کونړ کې جوزجان د کونړ، د خوست رحمت ولي مسرور لوبغالي کې خوست
الف د بغلان، د خوست مس عینک لوبغالي کې لوګر د پروان، د کندهار قریشي لوبغالي کې هلمند
د کابل ډي او د کندهار لوبغالي کې به پکتیا د کندهار الف لوبډلو کې د لوبو ډګر ته
ووځي