د وزیر محمد اکبر خان دویمه درجه ولایتي لوبو په لړ کې نن هم شپږ لوبې ترسره شوې. په دغه لوبو کې کندهار الف د هلمند، بدخشان د کابل ج، غزني د پکتیا، پکتیکا د ننګرهار الف، خوست الف د فاریاب او بغلان د پروان لوبډلو پر وړاندې بریاوي ترلاسه کړې. باید وویل شي چې د وزیر محمد اکبر خان دویمې درجې ولایتي لوبډلو څخه به اته لوبډلې د وزیر محمد اکبر خان لومړۍ درجه لوبو ته لار ومومي.
د کندهار کرکټ لوبغالي کې نن د غزني لوبډلې د
۷ ویکټو په توپیر د پکتیا لوبډلې ته ماتې ورکړه. په دغه لوبه کې لومړی پکتیا
لوبډلې توپوهنه ترسره کړه او د ټولو ویکټو په تاوان یې ۱۶۸ منډې جوړې کړې. د دوی
په توپوهونکو کې رحمن ۶۸ او شوکت ۲۰ منډې جوړې کړې. باید وویل شي چې د غزني په توپ
اچونه کې رحمن الله ۳، شمس فخري، رشید ځاځي او خالد اندړ هر یوه ۲ ویکټې ترلاسه
کړې.
د پکتیا لوبډلې د ۱۶۹ منډو هدف غزني لوبډلې د
لوبې په ۳۴م اور کې ترلاسه کړی. د غزني په توپوهنه کې محیب الله جلالزي ۷۱ او شاهد
افضلي ۶۱ منډې ترسره کړې. بلخوا د پکتیا لوبډلې په توپ اچونه کې سمیع مبارز ۲
ویکټې ترلاسه کړې. د غزني لوبډلې لوبغاړی محیب الله جلالزی د لوبې غوره لوبغاړی
شو.
د کندهار قریشي لوبغالي کې بیا د کندهار الف
لوبډلې په ۷ ویکټو د هلمند لوبډلې ته ماتې ورکړه. دغه لوبه کې هلمند د قدرت الله
۶۳، احمدضیاء ۵۹ او شریف الله ۵۶ منډو پر مټ د ۲۵۹ منډو هدف وټاکه. د کندهار الف
په توپ اچونه کې احمد راز ۳ ویکټې ترلاسه کړې.
د بدخشان لوبډلې د هدف په تعقیب کې کابل ج
لوبډلې ۲۷۳ منډې جوړې کړې. د یادې لوبډلې په توپوهنه کې حبیب الله ۱۱۶، ثناء الله
۵۷ او محمد ۴۸ منډې ترسره کړې. د بدخشان لوبډلې په توپ اچوونکو کې محمد شاهد تر
نورو زیاتې ۲ ویکټې په خپل نوم کړې. د بدخشان لوبډلې توپوهونکی فرید ځدراڼ د لوبې
غوره لوبغاړی شو.
د ننګرهار په غازي امان الله خان لوبغالي کې
بیا پکتیکا د یوې ویکټې په توپیر د ننګرهار الف لوبډلې ته ماتې ورکړه. په دغه لوبه
کې لومړی ننګرهار الف لوبډلې د ۱۷۷ منډو هدف وټاکه. د دوی توپوهنه کې عبدالمجید تر
نورو زیاتې ۴۶ منډې جوړې کړې. باید وویل شي چې د پکتیکا لوبډلې توپ اچونه کې
عزیزالله او محمد عالم هر یوه ۳ او عنایت الله ۲ ویکټې ترلاسه کړې.
د ننګرهار الف لوبډلې د ۱۷۷ منډو هدف پکتیکا
لوبډلې د ۹ ویکټو په تاوان د لوبې په ۴۳م اور کې ترلاسه کړی. د پکتیکا توپوهنه کې
عطا محمد زرمل ۹۱ او اکبر ۲۴ منډې جوړې کړې. د ننګرهار الف لوبډلې په توپ اچوونکو
کې ولي اغا ۳، حیات نوري او تحسین ۲-۲ لوبغاړي د لوبې له ډګره بهر کړل. د لوبې
غوره لوبغاړی د پکتیکا لوبډلې توپوهونکی عطا محمد زرمل ونومول شو.
د خوست رحمت ولي مسرور لوبغالي کې خوست الف
لوبډلې د ۸۰ منډو په توپیر فاریاب لوبډلې ته
ماتې ورکړه. په یاده لوبه کې لومړی خوست الف لوبډلې د سیف ننګیال ۹۰،
سیدالرحمن ۶۴، صادق شاه ۶۰ او حبیب الله ۴۷ منډو پر مټ د ۳۱۲ منډو هدف وټاکه. د
فاریاب په توپ اچونه کې ثناء الله او زبیح الله ۲-۲ ویکټې ترلاسه کړې.
د خوست الف لوبډلې هدف پسې فاریاب لوبډلې د ۹
ویکټو په تاوان ۲۳۱ منډې جوړې کړې. د یادې لوبډلې توپوهنه کې کامران ځدراڼ ۹۶، عزت
بارکزي ۴۱ او احمد ولي ۳۱ منډې ترسره کړې. د ویلو ده چې د خوست الف لوبډلې توپ
اچونه کې حبیب الله تڼیوال او عبدالله محمدي ۲-۲ لوبغاړي د لوبې له ډګره بهر کړل. د
خوست الف لوبډلې توپوهونکی سیف ننګیال د لوبې غوره لوبغاړی ونومول شو.
د خوست په مس عینک لوبغالي کې بغلان لوبډلې د
۹۷ منډو په لوی توپیر د پروان لوبډلې ته ماتې ورکړه. یاده سیالۍ کې بغلان لوبډلې د
سهراب امیري ۶۱، امیرحمزه ۵۳، شېرمحمد ۵۱ او راحت اندړ ۳۵ منډو پر مټ د ۳۱۴ منډو
هدف وټاکه. د پروان توپ اچونه کې ریحان الدین ۳، امیدالله او عبدالسلام ۲-۲ ویکټې
په خپل نوم کړې.
د بغلان لوبډلې د هدف په تعقیب کې پروان
لوبډلې د ټولو ویکټو په تاوان ۲۱۶ مندې جوړې کړې. د یادې لوبډلې په توپوهنه کې سیف
الله ۸۳، خالد نیازي ۵۲ او امیدالله ۳۳ منډې ترسره کړې. باید وویل شي چې د بغلان
په توپ اچونه کې دورېش احمدزي ۴ او نعمت الله ۳ ویکټې ترلاسه کړې. دروېش احمدزی د
لوبې غوره لوبغاړی شو.
د یادونې وړ ده چې د وزیر محمد اکبر خان
دویمه درجه ولایتي لوبو په لړ کې به سبا کونړ کې جوزجان د ننګرهار ب، د خوست رحمت
ولي مسرور لوبغالي کې لوګر د فاریاب، د خوست مس عینک لوبغالي کې خوست الف د پروان،
د ننګرهار غازي امان الله خان لوبغالي کې کندز د نورستان، د کندهار قریشي لوبغالي
کې هلمند د پکتیا او د کندهار کرکټ لوبغالي کې غزني د کابل ډي لوبډلو پر وړاندې د
لوبو ډګر ته ووځي.