هرات او کابل اي لوبډلو بریاوي ترلاسه کړې!

هرات او کابل اي لوبډلو بریاوي ترلاسه کړې!

د وزیر محمد اکبر خان دویمه درجه ولایتي سیالیو په لړ کې نن وروستۍ دوه لوبې ترسره شوې، چې لومړۍ لوبه کې د کابل اي لوبډلې د ۲۶ منډو په توپیر د نیمروز او دویمه لوبه کې د هرات لوبډلې د ۵ ویکټو په توپیر د خوست ب لوبډلې له ماتې سره مخ کړې. باید وویل شي چې د یادو سیالیو ۸ مخکښو لوبډلو د وزیر محمد اکبر خان لومړۍ درجه ولایتي سیالیو ته لار وموندله.

هرات او خوست ب لوبډلو نن خپلې سیالې لوبډلې ماتې کړې!

د وزیر محمد اکبر خان دویمه درجه ولایتي سیالیو په لړ کې نن دوه لوبې د کندهار پر دوه لوبغالو ترسره شوې. د یادو سیالیو لومړۍ لوبه چې کندهار کرکټ لوبغالي کې ترسره شوه، هرات پکې د ۹ ویکټو په توپیر د کابل اي او دویمه لوبه چې د کندهار قریشي لوبغالي کې وشوه، خوست ب پکې د ۹ ویکټو په توپیر د لغمان لوبډلې له ماتې سره مخ کړې.

پکتیکا په ۱۰۶ منډو سرپل ته ماتې ورکړه!

د وزیر محمد اکبر خان دویمه درجه ولایتي سیالیو په لړ کې نن یوازې یوه لوبه د ننګرهار په غازي امان الله خان لوبغالي کې ترسره شوه، چې پکې پکتیکا لوبډلې د سرپل لوبډلې په ماتولو د وزیر محمد اکبر خان لومړۍ درجه ولایتي سیالیو ته لار وموندله. باید وویل شي چې سبا به د یادو لوبو په دوام دوه لوبې په کندهار کې ترسره شي.

د خوست ب، لغمان او ننګرهار الف لوبډلو بریاوي ترلاسه کړې!

د وزیر محمد اکبر خان دویمه درجه ولایتي لوبو په روان بهیر کې نن درې لوبې په ننګرهار او کندهار ولایتونو کې ترسره شوې. د یادو لوبو په لومړۍ لوبه کې خوست ب د ۲۳۱ منډو په توپیر د کابل اي، دویمه لوبه کې لغمان لوبډلې په ۱۱۷ منډو د نیمروز او دریمه لوبه کې د ننګرهار الف لوبډلې په ۱۰۵ منډو د نورستان لوبډلې له ماتې سره مخ کړې. د ویلو ده چې ددغه لوبو په دوام به یوازې یوه لوبه په ننګرهار کې ترسره شي.

لغمان، کندز او هرات لوبډلو خپلو سیالانو ته ماتې ورکړې!

د وزیر محمد اکبر خان دویمه درجه ولایتي لوبو په لړ کې نن هم درې لوبې ترسره شوې. په دغه لوبو کې چې کندهار او ننګرهار ولایتونو کې وشوې، هرات پکې د ۸ ویکټو په توپیر د نیمروز، لغمان د ۷ ویکټو په توپیر د کابل اي او کندز د ۵۶ منډو په توپیر د سرپل لوبډلې له ماتې سره مخ کړې.

لغمان، خوست ب او پکتیکا لوبډلو بریاوي خپلې کړې!

د وزیر محمد اکبر خان دویمه درجه ولایتي سیالۍ چې د ۴۰ بېلابېلو لوبډلو تر منځ پیل شوي وې، نن يې په روان بهیر کې درې لوبې ترسره شوې. په لومړۍ لوبه کې چې د ننګرهار غازي امان الله خان لوبغالي کې ترسره شوه، پکتیکا د نورستان، دویمه لوبه چې کندهار کرکټ لوبغالي کې وشوه، لغمان د هرات او دریمه لوبه چې د کندهار په قریشي لوبغالي کې ترسره شوه، خوست ب پکې د نیمروز لوبډلې ته ماتې ورکړې. د دغه سیالیو په دوام به سبا هم درې لوبې ترسره شي.