د افغانستان کرکټ بورډ لوړو مهارتونو مرکز د لند مهاله تخنیکي کورسونو او ورکشاپونو څخه لسګونه مسلکي کاردرونو د فراعت تصدیق پاڼې ترلاسه کړې

د افغانستان کرکټ بورډ لوړو مهارتونو مرکز د لند مهاله تخنیکي کورسونو او ورکشاپونو څخه لسګونه مسلکي کاردرونو د فراعت تصدیق پاڼې ترلاسه کړې

د افغانستان کرکټ بورډ د لوړو مهارتونو مرکز په ۲۰۲۴ میلادي کال کې په بیلابېلو تخنیکي څانګو کې د مسلکي کرکټ د هېواد له ټولو زونونو څخه ۲۴۵ روزونکو او تخنیکي پرسونل لپاره ښوونیز او روزنیز کورسونه او ورکشاپونه دایر کړل چې پکې (۲۸) تنه د دویمې درجې روزونکي (۶۱) تنه د لومړۍ درجې روزونکي، (۱۷) تنه د لوبې ریفریان او (۴۸) تنه لوبڅاران، (۲۱) تنه فزیو او (۱۱) تنه مساژران، او (۵۹) نمره شمېرونکي یا سکورران شامل وو.

نهم پړاو احمد شاه ابدالي فرسټ کلاس سیالۍ پیلېږي

د افغانستان کرکټ بورډ د کورني کرکټ څانګې له کلني پلان سره سم نهم پړاو اي انډ جام - احمد شاه ابدالي فرسټ کلاس سوپرکولا سیالۍ پیلېږي. د مهالوېش له مخې به دغه سیالۍ د روانې اګست میاشتې په ۲۹مه نېټه پیل شي چې د راتلونکې اکټوبر میاشتې تر اتمې نېټې پورې به په خوست او ننګرهار ولایتونو کې دوام ومومي.

د خپلواکۍ د ورځې ۱۰ اوریزه لوبه د یووالي اتلانو لوبډلې په بریا سره پای ته ورسېده

د یووالي اتلانو د یوې خورا غوره او هر اړخیزې لوبې په پایله کې د خپلواکۍ اتلانو لوبډلې ته د ۴۶ منډو په توپیر ماتې ورکړه او د خپلواکۍ د ورځې په مناسبت دغه یوازېنۍ لس اوریزه لوبه یې په خپله ګټه پای ته ورسوله.

د زمري د ۲۴مې (خپلواکۍ ورځ) په پار د کرکټ لس اوریزې سیالۍ ترسره کېږي

افغانستان کرکټ بورډ د اسد یا زمري میاشتې د ۲۴مې نېټې (د خپلواکۍ ورځې) په پار د هېواد د پلازمېنې په ګډون په پنځو ولایتونو کې د کرکټ لس اوریزې سیالۍ ترسره کوي. د دغو سیالیو لومړۍ لوبه به د راتلونکې جمعې په ورځ د خپلواکۍ اتلانو او د یووالي اتلانو د لوبډلو ترمنځ په کابل ملي کرکټ لوبغالي کې ترسره شي چې په ژوندۍ بڼه به هم خپریږي او د کرکټ مینه وال به وکولی شي، ترڅو له ټکټ پرته په دغو سیالیو کې په وړیا توګه ګډون وکړي.

امو نهنګان لوبډلې د پرلپسې دریم ځل لپاره د شپږیزه کرکټ لیګ سیالیو اتلولي وګټله

د افغانستان کرکټ بورډ د کورني کرکټ ترټولو سترې یوولسم پړاو اي انډ شپږیزه کرکټ لیګ – سوپرکولا سیالۍ د امو نهنګان لوبډلې په اتلولۍ سره پای ته ورسېدې. دغې لوبډلې د یادو سیالیو په پایلوبه کې له یوې ښکلې او هر اړخیزې لوبې وروسته سپین غر پړانګان لوبډلې ته د ۷ ویکټو په توپیر ماتې ورکړه او د پرلپسې دریم ځل لپاره یې د شپږیزه کرکټ لیګ سیالیو اتلولي خپله کړه.

پړانګانو د جدول لومړی مقام او اتلانو څلورمه بریا خپله کړه

سپين غر پړانګان لوبډلې نن د یوې غوره او هر اړخیزې لوبې پرمټ بست ساتونکو ته د ۶ ویکټو په توپیر ماتې ورکړه او د روانو سیالیو کې د نمرو په جدول کې یې لومړی مقام خپل کړ. همدارنګه مس عینک اتلانو د رحمن الله ګربز د غوره توپوهنې او پرلپسې دویمې سلیزې پرمټ بند امیر ښامارانو ته د ۸۱ منډو په توپیر ماتې ورکړه او په روانو سیالیو کې یې خپل سفر په څلورو بریاو سره پای ته ورساوه.